ამ დროისთვის, ჩვენს წინაშე დასმული ამოცანისთვის ჩვენი მობილიზებული ძალები საკმარისია, დამატებითი საჭიროების შემთხვევაში რამდენიმე საათში შევძლებთ დამატებითი ძალების ჩართვას,- ამის შესახებ საქართველოს თავდაცვის მინისტრმა, ირაკლი ჩიქოვანმა გურიაში, ჟურნალისტებთან საუბრისას განაცხადა.

მისივე თქმით, დახმარების მიზნით, ჯარისკაცები უშუალოდ არიან კონკრეტულ სოფლებში.

„პრემიერის დავალებით, თავდაცვის ძალები უკვე მონაწილეობენ სტიქიასთან გამკლავების ღონისძიებებში, მობილიზებულია რამდენიმე ათეული სპეციალური ტექნიკა, რომელიც გამოიყენება იმისთვის, რათა მივიდეთ ისეთ ადგილებში, სადაც მისვლა გართულებულია, ამავე დროს ჩვენი ძალები ჩართულები არიან გაწმენდით სამუშაოებში. თავდაცვის ძალების წარმომადგენლები, ჯარისკაცები უშუალოდ არიან კონკრეტულ სოფლებში, სადაც შედიან ოჯახ-ოჯახ.

იმ ადამიანებთან, ვისაც ყველაზე უფრო მეტად სჭირდებათ დახმარება კომუნიკაცია მყარდება, თუ არსებობს რაიმე საშუალება, რითაც შეუძლიათ ადგილზე მიაწოდონ საკვები თუ მედიკამენტი ამასაც უზრუნველყოფენ. ამავე დროს, მათ ოპერატიული კავშირი აქვთ თითოეულ შტაბთან, ეს საშუალებას იძლევა, მათ მიაწოდონ ოპერატიული ინფორმაცია შტაბებს, დამატებითი საჭიროების შემთხვევაში სხვა ჯგუფებიც მივიდნენ. რამდენიმე ასეული ჯარისკაცია მობილიზებული, სხვა საჭიროების არსებობის შემთხვევაშიც, მომავალშიც შეგვიძლია დამატებითი ძალის გამოყენება. ამ ეტაპზე ასეთი დავალება არ არის“,- აღნიშნა ჩიქოვანმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია