ძალიან მძიმეა ომის შედეგები ჩვენი მეგობარი ქვეყნისთვის - პრინციპულად მნიშვნელოვანია, რაც შეიძლება სწრაფად, წარმატებით დასრულდეს ის პროცესი, რომელიც დაწყებულია და რომელიც უკავშირდება უკრაინაში მშვიდობის დამყარებას, - ამის შესახებ საქართველოს პრემიერ-მინისტრმა ირაკლი კობახიძემ უკრაინაში ომის დაწყების 3 წლისთავთან დაკავშირებით, მთავრობის სხდომაზე განაცხადა.

კობახიძემ იმ შედეგებზე ისაუბრა, რაც უკრაინაში ომის შედეგად დადგა.

„დღეს 3 წელი შესრულდა უკრაინაში ომის დაწყებიდან. ეს ნამდვილად ტრაგიკული თარიღია ჩვენი მეგობარი ქვეყნის, უკრაინის ისტორიაში. ძალიან მძიმეა ომის შედეგები ჩვენი მეგობარი ქვეყნისთვის და ჩვენი მეგობარი ხალხისთვის. უამრავი ადამიანია დაღუპული ამ ომის შედეგად. 10 მლნ უკრაინელ ადამიანამდე დევნილად ან ლტოლვილად იქცა; უკრაინის ტერიტორიების 20% არის ოკუპირებული რუსეთის ფედერაციის მიერ; განადგურებულია ეკონომიკა, ინფრასტრუქტურა, ენერგეტიკა; საგარეო ვალი აღწევს თითქმის, ეკონომიკის 100%-ს - 96%-ია წლევანდელი მაჩვენებელი, წლის ბოლოსთვის 100%-ს გადასცდება. ჩვენ, პირველ რიგში, მეგობარ ქვეყანას, მეგობარ ხალხს ვუსურვებთ მშვიდობას. პრინციპულად მნიშვნელოვანია, რაც შეიძლება სწრაფად, წარმატებით დასრულდეს ის პროცესი, რომელიც დაწყებულია და რომელიც უკავშირდება უკრაინაში მშვიდობის დამყარებას. მინდა, კიდე ერთხელ გამოვთქვა იმედი, რომ რაც შეიძლება მალე დამყარდება მშვიდობა ჩვენს მეგობარ ქვეყანაში, უკრაინაში“, - განაცხადა კობახიძემ.

ავტორი: ექსპრესნიუსი,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი