ორთაჭალაში მომხდარი თამაზ მთივლიშვილის მკვლელობის საქმის პროკურორის, ლევან ვეფხვაძის განცხადებით, დანაშაულის შეუტყობინებლობის ბრალდებით დაკავებული სამი პირი საქმის მთავარ ფიგურანტად გიორგი პაპაშვილს ასახელებს.

ამასთან, როგორც ვეფხვაძემ განმარტა, ცნობილია მკვლელობის მოტივიც, თუმცა, პროკურორი მას გამოძიების ინტერესებიდან გამომდინარე არ ასახელებს.

„ამ ეტაპზე, გამოძიებით დადგენილია, რომ გარდაცვლილი მოკლულია განსაკუთრებული სისასტიკით. შესაბამისად, ერთ-ერთ ძებნილ ბრალდებულს ბრალი განსაკუთრებული სისასტიკით ჩადენილი დანაშაულისთვის წარედგინა. რაც შეეხება დანარჩენ ოთხ ბრალდებულს, მათ შორის, ერთ ძებნილ ბრალდებულს, რომელმაც მეორე ბრალდებულთან [გიორგი პაპაშვილი] ერთად დატოვა საქართველოს სახელმწიფო საზღვარი 2025 წლის 19 თებერვალს.

ამ ეტაპზე ჩატარებულია ათეულობით საგამოძიებო მოქმედება, თუმცა, ჩასატარებელია კიდევ ასეულობით საგამოძიებო მოქმედება. ამოღებულია სხვადასხვა ლოკაციიდან კამერების ჩანაწერები, დასაკითხია არაერთი მოწმე, ამოღებულია მობილური ტელეფონები, დასანიშნია ათეულობით ექსპერტიზა. საბოლოოდ, რა კვალიფიკაციით წავა საქმე ბრალდებულების წინააღმდეგ, გამოძიებით მოპოვებული მტკიცებულებების შედეგად გახდება ცნობილი." -განაცხადა ვეფხვაძემ.

მისივე თქმით, ცხედარი, ბრალდებული გიორგი პაპაშვილის დედამ იპოვა და 112-ში დარეკა.

"112-ში დარეკა ბრალდებული დედამ. სახლი, სადაც მკვლელობა მოხდა ბრალდებულს დროებით მფლობელობაში ჰქონდა. მან აღმოაჩინა გარდაცვლილი 20 თებერვალს და დარეკა 112-ში.

გარდაცვალების მიზეზი, პირველადი ინფორმაციით, არის თავის ტვინში სისხლჩაქცევები და შეშუპება. როგორც მარჯვენა, ასევე მარცხენა საფეთქელი ჰქონდა დაზიანებული გარდაცვლილს. შემთხვევის ადგილიდან ამოღებულია 38 ნივთმტკიცება. მათ შორის ბლაგვი საგანი, რომელიც გამოიყენა ბრალდებულმა, გარდა იმისა, რომ ხელებს და ფეხებს ურტყამდა. დაინიშნება ბიოლოგიური ექსპერტიზა და დადგინდება ვისი და რა კვალია ამ საგანზე.

მოწმეთა ჩვენებებით, ოპერატიული და ფარული საგამოძიებო მოქმედებების შედეგად მოპოვებული მტკიცებულებებით დგინდება, რომ პაპაშვილია საქმის მთავარი ფიგურანტი. დანიშნული ექსპერტიზები და აღებული ნიმუშები გაამყარებს ამ გარემოებას. ასევე, დანაშაულის შეუტყობინებლობისთვის დაკავებული სამი პირი მას ასახელებს.

მკვლელობის მოტივი ცნობილია, თუმცა იმის გათვალისწინებით, რომ ბევრი საგამოძიებო მოქმედებაა ჩასატარებელი და საკითხი კომპლექსურადაა შესასწავლი, გამოძიების ინტერესებიდან გამომდინარე ამ მოტივს ვერ დავასახელებ“, - განაცხადა პროკურორმა ლევან ვეფხვაძემ.

ავტორი: ექსპრესნიუსი,

სოციალური ქსელები

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად