შიმშილობა არ გახლავთ ინდულგენცია, რომ ვინც იშიმშილებს ყველა პატიმარი გათავისუფლდეს - ასეთ შემთხვევაში მაშინ მსოფლიოში აღარ დარჩებოდა არავინ საპყრობილეში, - ამის შესახებ „ხალხის ძალის“ დეპუტატმა, გურამ მაჭარაშვილმა ჟურნალისტებთან განაცხადა.

მისი თქმით, „ბათუმელებისა“ და „ნეტგაზეთის“ დამფუძნებელმა, მზია ამაღლობელმა შიმშილობა უნდა შეწყვიტოს და ნორმალური კვება დაიწყოს.

ამასთან, ის ამაღლობელთან დაკავშირებით ევროკავშირის ელჩის განცხადებას გამოეხმაურა და განაცხადა, რომ პაველ ჰერჩინსკიმ „პრაქტიკულად, წაახალისა ის მოქალაქეები, რომლებსაც შეიძლება, სამომავლოდ გაუჩნდეთ განცდა, რომ სილა გააწნან პოლიციელს".

„სხვათა შორის, სიმბოლურია, რომ ევროკავშირის ელჩი არ მოუწოდებს მოქალაქეს, რომელიც პატიმარია და შიმშილობს, რომ შეწყვიტოს შიმშილობა. წარმოიდგინეთ, ევროკავშირის ელჩი, რომლის ფუნქციები არის, რომ ნორმალური ურთიერთობები დაამყაროს ქვეყანასთან, არ მოუწოდებს პატიმარს, რომ შეწყვიტოს შიმშილობა. მეტსაც გეტყვით, ევროკავშირის ელჩმა, პრაქტიკულად, ამ განცხადებით, წაახალისა ის მოქალაქეები, რომლებსაც შეიძლება გაუჩნდეთ სამომავლოდ განცდა, რომ სილა გააწნან პოლიციელს, ფიზიკური შეურაცხყოფა მიაყენონ პოლიციელს. მერე თუ დაიჭირეს, გამოვა ევროკავშირის ელჩი და იტყვის, რომ გაათავისუფლეთ ეს ადამიანი. აი, ეს დემოკრატია რომ დაიწუნა ამერიკის პრეზიდენტმა, ვიცე-პრეზიდენტმა, სახელმწიფო მდივანმა ამას ვერ ხვდება ევროკავშირის ელჩი? გამოვიდეს და თქვას მაშინ, რომ ამერიკის პრეზიდენტიც ანტიევროპულ განცხადებას აკეთებს. ამას ვერ ბედავს და ამიტომ ჩემი რჩევა იქნება, რომ ასეთო დონის ელჩი როდესაც ხარ საქართველოში, მინიმუმ პატივი უნდა სცე სიმართლეს და იმ ხალხს, სადაც ცხოვრობ. ასეთ განცხადებებს როცა აკეთებ შეურაცხყოფას ამით ვერ მიაყენებ ქართველ საზოგადოებას და პირიქით კი ნამდვილად მოხდება," - განაცხადა მაჭარაშვილმა.

ცნობისთვის, ევროკავშირის ელჩმა განაცხადა, რომ "დღეს არის მცდელობა, გააჩუმონ საპირისპირო აზრის გამომხატველი ხმა და ამავდროულად, დაუსჯელი დარჩეს ის, ვინც ჟურნალისტებზე ძალადობს, რაც მიუღებელია".

მისი თქმით, ევროკავშირი აგრძელებს მოწოდებას, რომ მზია ამაღლობელი დაუყოვნებლივ იქნას გათავისუფლებული.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა