"ოცნების" ხელისუფლებამ ყველა ზღვარი გადაკვეთა" - ასე აფასებს HRW-ის ცენტრალური აზიისა და ევროპის პროგრამის ხელმძღვანელის მოადგილე რეიჩელ დენბერი საქართველოში განვითარებულ პოლიტიკურ მოვლენებს. დენბერი "ამერიკის ხმასთვის" მიცემულ ინტერვიუში "ოცნებას" აქციის მონაწილეების სასტიკი ცემისა და ამ საქმეების გამოუძიებლობის გამო აკრიტიკებს. 

გავლენიანი უფლებადამცველი ორგანიზაციის წარმომადგენელი მზია ამაღლობელის შესახებაც საუბრობს და პირდაპირ ამბობს, რომ ჟურნალისტს მისი კრიტიკული პოზიციის გამო სჯიან.

ვფიქრობ, ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება. ძალიან ბევრს ამბობს ის, რომ ერთის მხრივ, პოლიციის მიერ უამრავი ნაცემი ადამიანი გვყავს და ამის ვიდეო ჩანაწერები თუ მოწმეები არსებობს, როდესაც სპეცრაზმი ხალხს ძვლების დამტვრემადე სცემს ამ ყველაფრის გამოძიება არ ხდება, არანაირი ნაბიჯი არ იდგმევა, დაგმობა არ ხდება, არაფერი ისეთი, რომ ოფიციალური პირები მიხვდნენ, რომ ეს პრობლემაა. მეორეს მხრივ კი არსებობს მზია ამაღლობელის საქმე, როდესაც აშკარა იყო შეხლა-შემოხლა, იყო უამრავი ხალხი და როდესაც ის დაკავების ადგილს ტოვებდა, დამაბნეველი სიტუაცია იყო და რაღაც მოხდა. და უეცრად, ყველას სამართალდამცავი უწყების ძალისხმევა იმ ერთი ადამიანის დასასჯელადაა მობილიზებული, რომელიც ჟურნალისტია და ცნობილია თავისი კრიტიკულობით. ამაზე ხარჯავთ საგამოძიებო ძალებს? მართლა? ეს ძალიან სერიოზულ პრობლემებზე მიუთითებს. მათ მთელი თავისი რესურსი დახარჯეს კრიტიკულად განწყობილი ჟურნალისტის წინააღმდეგ. სრულიად ნათელია, რომ ისინი ასე ენერგიულად მის წინააღმდეგ მესიჯის გასაგზავნად მიდიან. ამ დროს არსებობს უამრავი ვიდეო ჩანაწერი და მტკიცებულება ადამიანებზე ძალადობის, მათი ძვლების დამტვრევის, პოლიციის მიერ ძალის გადაჭარბებისა და ამ მიმართულებით სრულიად არაფერს აკეთებენ, - ამბობს რეიჩელ დენბერი.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა