პარლამენტმა ადმინისტრაციულ და სისხლის სამართლის კოდექსებში, ასევე, შეკრება-მანიფესტაციების შესახებ კანონში ცვლილებები საბოლოოდ დაამტკიცა. მიღებული კანონპროექტი ხელმოსაწერად და გამოსაქვეყნებლად მიხეილ ყაველაშვილს გადაეგზავნება.

 პარლამენტმა,  მეორე მოსმენისას კანონპროექტში დამატებითი შეზღუდვები შეიტანა, რის შედეგადაც ადრე მხოლოდ ჯარიმით დასჯადი სამართალდარღვევებისთვის პატიმრობის სახით დასჯის მექანიზმიც გაჩნდა.

ცვლილებები შეეხო შეკრება-მანიფესტაციების კანონის მე-9, მე-11 და მე-11 პრიმა მუხლებით გათვალისწინებულ პასუხისმგებლობებს.

ახალი რეგულაციით:

            •          ადმინისტრაციული შენობების, გზებისა და მაგისტრალების ბლოკირების, შეკრებებზე ძალადობისკენ მოწოდების, აკრძალული ნივთების ქონისა და გზის გადაკეტვისთვის გათვალისწინებულია 5000-ლარიანი ჯარიმა ან 15-დღიანი ადმინისტრაციული პატიმრობა.

            •          თუ აღნიშნული ქმედება ჩაიდენს აქციის ორგანიზატორი, მას 15 000 ლარიანი ჯარიმა ან 20-დღიანი პატიმრობა დაეკისრება.

            •          განმეორებითი დარღვევის შემთხვევაში, მოქალაქეს 25-დღიანი, ხოლო ორგანიზატორს 60-დღიანი პატიმრობა დაემუქრება.

            •          აქციაზე სახის დაფარვისა და ლაზერის ტარების აკრძალვის დარღვევა თავდაპირველ ვერსიაში მხოლოდ ჯარიმას ითვალისწინებდა, ცვლილების შედეგად კი დაწესდა 2000-ლარიანი ჯარიმა ან 7-დღიანი ადმინისტრაციული პატიმრობა.

ოპოზიცია და უფლებადამცველები აღნიშნულ ცვლილებებს ადამიანის უფლებებისა და გამოხატვის თავისუფლების შეზღუდვისკენ გადადგმულ ნაბიჯად აფასებენ.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს