2016-03-07 18:10:24, 467 ნახვა
პოლიტიკა
ჯანელიძე აზერბაიჯანის რესპუბლიკის პრემიერ-მინისტრს და მილი მეჯლისის თავმჯდომარეს შეხვდა
საქართველოს საგარეო საქმეთა მინისტრი ბაქოში ვიზიტის ფარგლებში შეხვდა აზერბაიჯანის რესპუბლიკის პრემიერ-მინისტრს არტურ რასი-ზადეს, ასევე შეხვედრა გამართა აზერბაიჯანის მილი მეჯლისის თავმჯდომარესთან ოქთაი ასადოვთან.
ორივე შეხვედრაზე ხაზი გაესვა ქვეყნებს შორის არსებულ განსაკუთრებულ ურთიერთობებს. მხარეებმა ისაუბრეს ბოლო პერიოდში სხვადასხვა სფეროში თანამშრომლობის ინტენსიურ დინამიკაზე, განსაკუთრებით ხაზი გაესვა სავაჭრო-ეკონომიკურ და ენერგეტიკულ სფეროებში თანამშრომლობის მზარდ პოტენციალს.
მილი მეჯლისის თავმჯდომარესთან შეხვედრაზე ხაზი გაესვა ორი ქვეყნის პარლამენტებს შორის თანამშრომლობის დიდ ტრადიციას, როგორც ორმხრივ, ისე მრავალმხრივ ფორმატებში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
