Reuters-ის ექსკლუზიური ინფორმაციით, აშშ-ის და რუსეთის პრეზიდენტების, დონალდ ტრამპისა და ვლადიმირ პუტინის პოტენციური შეხვედრის ადგილებად საუდის არაბეთი და არაბთა გაერთიანებული საამიროები განიხილება. 

გამოცემა ინფორმაციას რუსულ ანონიმურ წყაროებზე დაყრდნობით ავრცელებს. აღნიშნულთან დაკავშირებით კრემლი კომენტარზე უარს ამბობს. 

2 თებერვალს დონალდ ტრამპმა თქვა, რომ რუსეთთან და უკრაინასთან საუბარი იგეგმება. 

მანამდე, რუსეთის პრეზიდენტმა, ვლადიმირ პუტინმა ინტერვიუში რუსეთ-უკრაინის ომის დასრულებისთვის ტრამპის ძალისხმევაზე ისაუბრა.

"რუსეთს არასდროს უთქვამს უარი აშშ-ს ადმინისტრაციასთან კონტაქტებზე. და ეს ჩვენი ბრალი არ არის, რომ წინა ადმინისტრაციამ უარი თქვეს ამ კონტაქტზე. მე ყოველთვის მქონდა საქმიანი და, ამავდროულად, პრაგმატული ურთიერთობები აშშ-ს მოქმედ პრეზიდენტთან [ტრამპთან], სანდო, ვიტყოდი. არ შემიძლია, არ დავეთანხმო მას, რომ ის რომ პრეზიდენტი ყოფილიყო [ომის დაწყების დროს] და მისთვის 2020 წელს გამარჯვება არ მოეპარათ, მაშინ, იქნებ, უკრაინაში არც ყოფილიყო კრიზისი, რომელიც 2022 წელს დაიწყო". - თქვა პუტინმა. 

პუტინის თქმით, უმჯობესი იქნებოდა, პრეზიდენტები "ერთმანეთს შეხვედროდნენ და დღევანდელი რეალობის საფუძველზე, მშვიდად ესაუბრათ ყველა იმ მიმართულებაზე, რომელიც შედის როგორც აშშ-ს, ისე რუსეთის ინტერესებში". 

ამას გარდა, ინტერვიუში პუტინმა უკრაინის ხელისუფლება გააკრიტიკა. მისი აზრით, "კიევის რეჟიმის ხელმძღვანელობა" მოლაპარაკებების გამართვის შემთხვევაშიც კი, "არსებული ნორმატიული საფუძვლის ჩარჩოებში გამართულ" მოლაპარაკებებს "არალეგიტიმურად" გამოაცხადებს და შედეგად, ამ მოლაპარაკებების შედეგებსაც "არალეგიტიმურად გამოაცხადებს".

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა