საქართველოს მეხუთე პრეზიდენტი სალომე ზურაბიშვილი საქართველოში მიმდინარე ბოლოდროინდელ მოვლენებს სოციალურ ქსელ X-ში ეხმაურება.

პრეზიდენტმა მწვავე კომენტარები გააკეთა საქართველოს ხელისუფლების შესახებ.

„როგორ შეიძლება, რომ ათობით ადმინისტრაციულ საქმეში და 53 კრიმინალურ საქმეში პროკურატურა ყოველთვის მართებული იყოს? ეს არის დიქტატურა. ესენი არიან დღევანდელი მოსამართლეები და სასამართლოები… რუსები და ივანიშვილის მონები.“, – განაცხადა პრეზიდენტმა.

სალომე ზურაბიშვილი გამოეხმაურა ევროპულ ინსტიტუტებსა და მათ მხარდაჭერას და განსაკუთრებით გაუსვა ხაზი ევროპის საბჭოს გადაწყვეტილებას.

"საპარლამენტო ასამბლეამ 3 თვიანი გაფრთხილება მისცა მმართველ პარტიას, შეასრულოს პირობები (ახალი არჩევნები, თავისუფალი პოლიტპატიმრები, პოლიციის ძალადობის შეწყვეტა) ან გაირიცხოს ორგანიზაციიდან. ეს არის დიდი გამარჯვება ქართველი ხალხისთვის, მაგრამ სამწუხარო, რადგან ევროპის საბჭო იყო პირველი ევროპული ორგანიზაცია, რომელსაც შეუერთდა საქართველო!, – აღნიშნა პრეზიდენტმა.

სალომე ზურაბიშვილი ასევე აღნიშნავს, რომ სომხეთთან მჭიდრო პარტნიორობა მნიშვნელოვანია - "ეს არის ჩვენი საერთო სტრატეგია ალტერნატივის გარეშე, რათა მივაღწიოთ მშვიდობას, დემოკრატიას და კეთილდღეობას ჩვენი ორივე ქვეყნისთვის!"

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება