„მზად ვარ საქართველოსთვის თავი გავწირო, ჩემს ცხოვრებაში ამაზე ძვირფასი არაფერი არ ყოფილა“, - წერს ბათუმში აქციაზე დაკავებული მედროშე თემურ ქათამაძე იზოლატორიდან გამოგზავნილ წერილში, რომელსაც სოციალურ ქსელში თაზო მახარაძე ავრცელებს.

„მე მზად ვარ საქართველოსთვის თავი გავწირო. აბა, ვნახოთ, ჩემნაირი მამულიშვილისთვის ივანიშვილის რეჟიმმა რა უნდა გაიმეტოს?
ქუჩაში ვინც გამოდიხართ, ყველანი მიყვარხართ. დღეს ჩემი ქართველობის და სამშობლოსთვის ბრძოლა უკვე დამთავრებულია. ძალიან ამაყი ვარ. მთელ ჩემს ცხოვრებაში ამაზე ძვირფასი არაფერი არ ყოფილა. მე დღემდე ისე ვიცხოვრე, რომ საქართველოს სიყვარულის გარდა, ვერაფერმა დამიბორკილა ხელები და ციხეში ვერ ჩამსვა“, - ნათქვამია ქათამაძის წერილში.

როგორც ბათუმელებს საიას ადვოკატმა, მარიამ გაბროშვილმა უთხრა, თემურ ქათამაძე იზოლატორში შიმშილობს.

„მოვინახულე და როგორც მითხრა, ექიმის კონტროლის ქვეშ არის და დეტალურად აღარ უსაუბრია“, - აღნიშნა გაბროშვილმა.

თემურ ქათამაძე პოლიციამ ორჯერ დააკავა. პირველად 11 იანვარს ბათუმის პოლიციის სამმართველოსთან აქციაზე, ხოლო მეორედ 17 იანვარს, იზოლატორიდან გამოსვლის დღეს.

ბათუმელებისთვის გაგზავნილ წერილში ქათამაძე აცხადებდა, რომ დაკავებისას მასზე ბათუმის პოლიციის უფროსმა, ირაკლი დგებუაძემ, 10 პოლიციელთან ერთად იძალადა.

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს