"მეხანძრე-მაშველებმა ხანძრის ლიკვიდაცია განახორციელეს, ამ ეტაპზე კი მიმდინარეობს ცალკეული მხრჩოლავი კერების დამუშავება,"- ამის შესახებ თბილისის სახანძრო-სამაშველო ძალების მთავარი სამმართველოს უფროსმა, ლევან მუსელიანმა „ლილოს“ ბაზრობაზე მომხდარ ხანძართან დაკავშირებით ჟურნალისტებთან საუბრისას განაცხადა.

მისივე თქმით, დაშავებულების შესახებ ინფორმაცია არ შემოსულა, ხოლო რაც შეეხება ზარალს, ბაზრობის ტერიტორიის გარკვეული ნაწილი დამწვარია.

„მოგეხსენებათ, ეს არის ბაზრობის ტერიტორია, სადაც უამრავი აალებადი მასალაა, რამაც ხანძრის ქრობა დროში გააჭიანურა. ხანძრის ქრობის პროცესი ნორმალურად წარიმართა. მეხანძრე-მაშველებმა მოახდინეს ხანძრის ლიკვიდაცია, ამ ეტაპზე კი მიმდინარეობს ცალკეული მხრჩოლავი კერების დამუშავება.

112-დან ინფორმაციის მიღებისთანავე, მეხანძრე-მაშველებმა დროულად რეაგირება მოახდინეს და ხანძრის ქრობა დაიწყეს. ადგილზე მობილიზებული იყო 22 სახანძრო-სამაშველო ავტომანქანა და 120-მდე მეხანძრე-მაშველი, რომლებიც ჩართულები იყვნენ ხანძრის სალიკვიდაციო სამუშაოებში. დაშავებულების შესახებ ინფორმაცია არ შემოსულა. რაც შეეხება ზიანს, ბაზრობის ტერიტორიის გარკვეული ნაწილი დამწვარია.

ხანძრის გადადების საფრთხე არსებობდა, რადგან ბაზრობის ტერიტორია ძალიან დიდია, რის გამოც იყო საფრთხე, რომ ხანძარი სხვა ფართობზეც გავრცელებულიყო. მეხანძრე-მაშველების დროული რეაგირების შედეგად ცეცხლი ლოკალიზდა და შემდგომ ლიკვიდირდა.

აქტიურად მიმდინარეობს ხანძრის საბოლოო სალიკვიდაციო სამუშაოები. ადგილზე მუშაობენ მეხანძრე-მაშველები, რომლებიც მხრჩოლავ კერებს უმუშავებენ“, - განაცხადა ლევან მუსელიანმა.

ავტორი: ექსპრესნიუსი,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი