ქართული ოცნების დელეგაციის ხელმძღვანელმა, თეა წულუკიანმა, ევროსაბჭოში სიტყვით გამოსვლისას განაცხადა, რომ საქართველოში ვადამდელი საპარლამენტო არჩევნები 2028 წლამდე არ ჩატარდება.

“ამ სერიოზულ დათქმებში არ არის საუბარი სააკაშვილის გათავისუფლებაზე ან სალომე ზურაბიშვილის ლეგიტიმურ პრეზიდენტად აღიარებაზე, თუმცა არის სხვა სერიოზული საკითხები. მათ შორის, ცალსახად ვუთხარი, რომ 2028 წლამდე ახალი საპარლამენტო არჩევნები არ ჩატარდება. ეს განცხადება მათთვის სიურპრიზი ვერ იქნება, რადგან ეს ჩვენი საერთო პოზიციაა. ვადამდელი არჩევნები არ არის დაგეგმილი, რადგან არჩევნები უკვე ჩატარდა და გაიმარჯვა იმან, ვინც გაიმარჯვა,” - აღნიშნა წულუკიანმა.

ევროსაბჭოს რეზოლუციის ტექსტში, რომელსაც 29 იანვარს კენჭი უნდა ეყაროს, საუბარია ვადამდელი არჩევნების დანიშვნასა და პოლიტპატიმრების გათავისუფლების მოთხოვნაზე. დოკუმენტში ასევე აღნიშნულია შესაძლო შეზღუდვები ოცნების დელეგაციის მიმართ.

წულუკიანის თქმით, რეზოლუციის მოთხოვნები მიუღებელია ქართული ოცნებისთვის და ეს პოზიცია საკომიტეტო განხილვაზე უკვე ნათლად დააფიქსირა.

“ჩვენი პოზიცია ემყარება ქართველი ამომრჩევლის ნებას, რომელიც ბოლო საპარლამენტო არჩევნებზე გამოვლინდა, და ამ პრინციპს ვერ დავარღვევთ,” - დასძინა წულუკიანმა.

ევროსაბჭოს რეზოლუციაში მითითებული მოთხოვნები, მათ შორის ვადამდელი არჩევნები და პოლიტპატიმრების გათავისუფლება, კვლავ კრიტიკის საგანია ქართული ოცნების მხრიდან.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება