ამ წუთებში, ბათუმში, სპეციალურ საგამოძიებო სამსახურთან ჟურნალისტები საპროტესტო აქციას მართავენ, სადაც ისინი უწყებას მიმართავენ, რომ გამოიძიოს აჭარის პოლიციის დეპარტამენტის, ბათუმის საქალაქო სამმართველოს უფროსი ირაკლი დგებუაძის მხრიდან "ბათუმელების" და "ნეტგაზეთის" დამფუძნებლის, მზია ამაღლობელის მიმართ არაადამიანური მოპყრობის ფაქტი.

ჟურნალისტები მოითხოვენ, რომ აღიძრას საქმე და შეწყდეს მზია ამაღლობელის მიმართ დაწყებული დევნა. „საია“ თავის დასკვნაში აღნიშნავს, რომ ირაკლი დგებუაძის ჩვენებით არ დგება 353-ე პრიმა მუხლის კვალიფიკაცია, რადგან დგებუაძის განმარტებით, მზია ამაღლობელი მხოლოდ ფიზიკურ ტკივილს განიცდიდა დარტყმისას და მის ყურეზე აღინიშნებოდა სიწითლე, რაც სასამართლო პრაქტიკის მიხედვით თავდასხმის დეფინიციას არ შეესაბამება.

მათივე განცხადებით, საგამოძიებო სამსახურმა უნდა გამოიძიოს მზია ამაღლობელის მიმართ ირაკლი დგებუაძის მხრიდან არაადამიანური მოპყრობისა და დამცირების ფაქტი და დადგეს მისი სისხლის სამართლებრივი პასუხისმგებლობის საკითხი. „ჩვენ მოვითხოვთ ირაკლი დგებუაძის უფლებამოსილების შეჩერებას“, - აცხადებენ ჟურნალისტები.

„ნეტგაზეთისა“ და „ბათუმელების“ თანადამფუძნებელი და დირექტორი, მზია ამაღლობელი 11 იანვარს ორჯერ დააკავეს. პირველად საპროტესტო შინაარსის პლაკატის გაკვრის გამო, რომელზეც ეწერა “იფიცება საქართველო”, მეორედ – ბათუმის პოლიციის უფროს ირაკლი დგებუაძისთვის სილის გაწვნის გამო პოლიციელზე თავდასხმის ბრალდებით, რაც 4-დან 7 წლამდე პატიმრობას ითვალისწინებს. ინციდენტს წინ უძღოდა დაპირისპირება და ჭყლეტა მონაწილეებსა და პოლიციას შორის, რაც პოლიციის მხრიდან პროვოკაციული ქმედებებს მოჰყვა.

14 იანვარს ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ნინო სახელაშვილმა გამოაცხადა.

სოლიადრობა მზია ამაღლობელს

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს