ევროსაბჭოს დელეგაციის წევრები გლდანის მე-8 პენიტენციურ დაწესებულებაში იმყოფებიან - ევროპელი პოლიტიკოსები პატიმრებს, ანდრო ჭიჭინაძესა და ზვიად ცეცხლაძეს ხვდებიან. 

თითოეულ დაკავებულთან შეხვედრა ნახევარი საათი გაგრძელდება, სადაც საუბარი საპროტესტო აქციების მიმდინარეობისას მათთვის ხელბორკილების დადებას, სასამართლო პროცესებსა და გისოსებს მიღმა მათ ცხოვრებას შეეხება. 

მსახიობ ანდრო ჭიჭინაძის უფლებადამცველის, თორნიკე მიგინეიშვილის თქმით, საქართველოში ოფიციალური ვიზიტით მყოფ ევროსაბჭოს დელეგაციის წევრებს მტკიცებულებებით დაარწმუნებენ, რომ მსახიობის წინააღმდეგ აღძრული საქმე პოლიტიკურად მოტივირებულია, ხოლო თავად ანდრო ჭიჭინაძე პოლიტპატიმარი. 

ასევე აღსანიშნავია, რომ ევროსაბჭო ადამიანის უფლებათა დარღვევის შესახებ ანგარიშს მოამზადებს, სადაც მაღალი ალბათობით, ანდრო ჭიჭინაძის საქმეც მოხვდება. 

დღეს გავუზიარებთ ინფორმაციას იურიდიულ ნაწილს, ასევე თავად მსახიობი ისაუბრებს საკუთარ შეფასებებზე და იმ აქციაზე, რომელზეც ის იღებდა მონაწილეობას, რატომ იყო ეს აქცია, რა მიზანს ემსახურებოდა. ჩვენ გავუზიარებთ ინფორმაციას იმასთან დაკავშირებით, რომ არანაირ ძალადობას, მითუმეტეს ორგანიზებულ ძალადობას სახე არ ჰქონია. ანდრო ჭიჭინაძის აქ ყოფნა არის ნათელი მაგალითი სამაგალითო დასჯის, არცერთი მტკიცებულება საქმეში არ არის და მაინც უკანონოდ ჰყავთ დაკავებული, ის ფორმა, რომლიდანაც საერთოდ ამოვარდნილი იყო სასამართლო, ეს იძლევა იმის თქმის საშუალებას, რომ ქეისი მოხვდება ამ ანგარიშში. ჩემი შეფასებით, არსებობს საფუძველი, რომ ეს საქმე ევროპელმა მეგობრებმა პოლიტიკურად მოტივირებულ საქმედ აღიარონ და ანდრო ჭიჭინაძე პოლიტიკურ პატიმრად", - ამბობს თორნიკე მიგინეიშვილი. 

ავტორი: ექსპრესნიუსი,

სოციალური ქსელები

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times