ზუგდიდში, პროევროპულ აქციაზე დაკავებული პარტია „დროას“ წარმომადგენელი, მარიამ სიჭინავა სამტრედიის წინასწარი დაკავების იზოლატორში იმყოფება. მისმა ადვოკატმა, როლანდ შონიამ რადიო თავისუფლებას უთხრა, რომ პოლიციამ მარიამი პიროტექნიკის გამოყენებისთვის, ადმინისტრაციულ სამართალდარღვევათა კოდექსის 174-ე პრიმა მუხლის მეორე ნაწილით დააკავა. აღნიშნული მუხლი შეკრების ან მანიფესტაციის ორგანიზებისა და ჩატარების წესის დარღვევას გულისხმობს, რისთვისაც ადამიანს 5000 ლარის ოდენობით.

„მარიამ სიჭინავა თავს ნორმალურად გრძნობს...ძალადობა პოლიციაში არ ყოფილა, მაგრამ ადგილი ჰქონდა პროცესუალურ დარღვევებს. მაგალითად, მარიამ სიჭინავას არ განუმარტეს დაკავების მიზეზები... სასამართლო ზუგდიდში გაიმართება დღეს ან ხვალ“, - თქვა ადვოკატმა როლანდ შონიამ.

მარიამ სიჭინავა ზუგდიდში, სახელმწიფო რწმუნებულის ადმინისტრაციასთან დააკავა პოლიციამ 13 იანვარს, ღამით. პარტია „დროას“ წარმომადგენელმა საპროტესტო აქციაზე ფოიერვერკი გამოიყენა.

ზუგდიდში მიმდინარე უწყვეტ აქციაზე, ბოლო რამდენიმე დღეში მარიამ სიჭინავა პოლიციამ ექვსჯერ დააჯარიმა პიროტექნიკის გამოყენებისა და თავსაბურავის, ე.წ ბალაკავას ტარების გამო, რაც 2000 ლარის ოდენობის ჯარიმას ითვალისწინებს.

დაკავებამდე მარიამ სიჭინავა ჟურნალისტებთან საუბარში აცხადებდა, რომ არ აპირებს ჯარიმების გადახდას და არც პოლიციის „უკანონო მოთხოვნებზე“ დამორჩილებას.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს