2024-12-20 20:37:25, 430 ნახვა
პოლიტიკა
პროტესტის 23-ე დღე დედაქალაქში - რუსთაველის გამზირი გადაიკეტა
რუსთაველის გამზირზე ამ წუთებში საპროტესტო აქცია მიმდინარეობს.
დედაქალაქის მთავარ გამზირზე სხვადასხვა პროფესიისა თუ ასაკის ადამიანები არიან შეკრებილები. საავტომობილო გზა აქციის მონაწილეებმა უკვე გადაკეტეს.
რაც შეეხება საპოლიციო მობილიზებას, ისინი მცირე რაოდენობით არიან ჭიჭინაძისა და ჩიტაძის ქუჩებზე.
შეგახსენებთ, დედაქალაქი და სხვა ქალაქები პროტესტმა მას შემდეგ მოიცვა, რაც საზოგადოებისთვის „ქართული ოცნების“ 28 ნოემბრის გადაწყვეტილება ცნობილი გახდა. რომლის თანახმადაც, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
ავტორი: ექსპრესნიუსი,
epn.ge (@expressnews.ge)
