ლიეტუვამ კიდევ 17 ქართველ პოლიტიკოსს, მათ შორის პრემიერ-მინისტრ ირაკლი კობახიძეს, სანქციები დაუწესა. ამის შესახებ ქვეყნის საგარეო საქმეთა მინისტრი კიასტუსის ბუდრისი სოციალურ ქსელ X-ზე წერს.

მინისტრის განცხადებით, ლიეტუვა ქართველი ხალხისა და მათი ევროპული ოცნების გვერდით დგას.

„ლიეტუვა ქართველი ხალხის და მათი ევროპული ოცნების გვერდით დგას.

ესტონეთთან კოორდინაციით, ჩვენ გავაფართოვეთ სანქცირებული ქართველი პოლიტიკოსების სია კიდევ 17 პირის დამატებით, მათ შორისაა პრემიერ-მინისტრი ირაკლი კობახიძე.

ჩვენ არ შევეგუებით მშვიდობიანი მომიტინგეების, ჟურნალისტების და ოპოზიციის მიმართ ძალადობას და ჩაგვრას.

დროა, ერთობლივად, ევროკავშირის დონეზე მოქმედებისთვის!“ - წერს საგარეო უწყების ხელმძღვანელი.

შეგახსენებთ, დღეს, 15 დეკემბერს ესტონეთის საგარეო საქმეთა მინისტრმა, მარგუს ცაჰკნამ გაავრცელა ინფორმაცია, რომლის მიხედვითაც, ესტონეთმა ასევე სანქციები დაუწესა საქართველოს ხელისუფლების კიდევ 14 წევრს, მათ შორის პრემიერ-მინისტრი ირაკლი კობახიძეცაა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე