თბილისის საქალაქო სასამართლომ „კოალიცია ცვლილებისთვის“ ერთ-ერთ ლიდერს, ნიკა გვარამიას 12-დღიანი ადმინისტრაციული პატიმრობა შეუფარდა.

გადაწყვეტილება მოსამართლე კობა ჩაგუნავამ ცოტა ხნის წინ გამოაცხადა.

„მიუხედავად იმისა, რომ საქმეში არ იყო არანაირი მტკიცებულება იმის, რაც დაადასტურებდა ამ გარემოებას რეალურად სამართალდარღვევა, მათ შორის, 166-ე ან 173-ე მუხლით გათვალისწინებული ქმედება ჩაიდინა გვარამიამ, მაინც სასამართლომ მიიღო ეს უკანონო გადაწყვეტილკება. ამიტომ, აქ არაფერი სამართლიანი ამ სასამართლოში არ ხდება,  ეს ცალსახად უნდა ითქვას. უბრალოდ, სურდათ გვარამიას პატიმრობის  გაგრძელება და ასე მოიქცა სასამართლო“,- განაცხადა გვარამიას ადვოკატმა, ბექა კვინიკაძემ.

შეგახსენებთ, „კოალიცია ცვლილებისთვის“ ერთ-ერთი ლიდერი ნიკა გვარამია 4 დეკემბერს დააკავეს.

დაკავება პარტია „დროას“ ოფისთან მას შემდეგ მოხდა, რაც ოფისის მიმდებარე ტერიტორიაზე გვარამია მივიდა და სამართალდამცველებისგან მოითხოვა, რომ იურისტის სტატუსით შეეშვაათ პარტიის ოფისში, სადაც ჩხრეკა მიმდინარეობდა.

აღნიშნულს პოლიციასა და გვარამიას შორის სიტყვიერი დაპირისპირება მოჰყვა, რის შემდეგაც ოპოზიციური კოალიციის ლიდერი დააკავეს. 

ავტორი: ექსპრესნიუსი,

სოციალური ქსელები

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს

მდინარაძე - ბიძინა ივანიშვილი შეიძლება იყოს მოწყვლადი და ვიღაცამ გააგოროს