შიდა ქართლის გეუბერნატორისა და სუს-ის შიდა ქართლის განყოფილების უფროსის გადაყენება არ დასტურდება

2016-02-26 13:58:34, 1110 ნახვა

პოლიტიკა

შიდა ქართლში სახელმწიფო რწმუნებულის ზურაბ რუსიშვილის თანამდებობიდან გათავისუფლების შესახებ გავრცელებულ ინფორმაციას, გუბერნატორის ადმინისტრაციაში არ ადასტურებენ.

არ დასტურდება არც სუს-ის შიდა ქართლის განყოფილების უფროსის თანამდებობიდან გადაყენება. სახელმწიფო უსაფრთხოების სამსახურის საზოგადოებასთან ურთიერთობის სამსახურში "ექსპრესნიუსს" განუცხადეს, რომ გავრცელებული ინფორმაცია სიმართლეს არ შეესაბამება.

შიდა ქართლის გუბერნატორისა და სუს-ის შიდა ქართლის განყოფილების უფროსის გადაყენების შესახებ იფნორმაცია „ნაციონალური მოძრაობის“ წევრმა ირმა ნადირაშვილმა Facebook-ის საკუთარ გვერდზე ცოტა ხნის წინ გაავრცელა.
„ჩემი ინფორმაციით, მოხსნეს შიდა ქართლის გუბერნატორი და ზედ მიაყოლეს სუს-ის უფროსი.
მიზეზად სახელდება გორის საკრებულოს პროცესები. იქ ქართულმა ოცნებამ უმრავლესობა დაკარგა“, - წერს ირმა ნადირაშვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან