2024-10-21 10:40:09, 419 ნახვა
მსოფლიო
ბიულეტენების 97%-ზე მეტის დათვლის შემდეგ, მოლდოვის საპრეზიდენტო არჩევნებში მაია სანდუ 41.55%-ით ლიდერობს
მოლდოვის ცენტრალურმა საარჩევნო კომისიამ საპრეზიდენტო არჩევნების ბიულეტენების 97%-ზე მეტი უკვე დათვალა. ამის შესახებ ინფორმაციას უცხოური მედია ავრცელებს.
მედიის ცნობით, მოქმედ პრეზიდენტს, მაია სანდუს მხარი ამომრჩეველთა 41.55%-მა დაუჭირა, ხოლო მოლდოვის ყოფილ გენერალურ პროკურორს, სოციალისტების მიერ მხარდაჭერილ ალექსანდრე სტოიანოგლოს - 26.51%-მა.
იმ შემთხვევაში, თუ ხმების სრულად დათვლის შემდეგ აღნიშნული მონაცემები არ შეიცვლება და ვერცერთი კანდიდატი ვერ მოაგროვებს 50%-ზე მეტს, საპრეზიდენტო არჩევნების მეორე ტური დაინიშნება, რომელიც 3 ნოემბერს გაიმართება.
ავტორი: ექსპრესნიუსი,
epn.ge (@expressnews.ge)
