მიანმარში, ტაიფუნ “იაგის“ შედეგად გამოწვეული წყალდიდობისა და მეწყრის გამო, 220-ზე მეტი ადამიანი დაიღუპა, 80-ზე მეტი კი, დაკარგულად მიიჩნევა. ამის შესახებ ინფორმაციას BBC ავრცელებს.

გაეროს ინფორმაციით, სტიქიის შედეგად დაზარალდა 9 შტატი და რეგიონი, მათ შორის ქვეყნის დედაქალაქი ნეიპიდო, ჩრდილოეთით მდებარე მანდალაი, დასავლეთით მდებარე მაგვეი და სამხრეთით მდებარე ბაგო - რეგიონები, რომლებიც მიანმარის უდიდესი მდინარის, ირავადის გასწვრივ მდებარეობს.

“წყალდიდობამ, დაახლოებით, 630 000 ადამიანი დააზარალა. გზების ჩაკეტვამ, ხიდების დაზიანებამ მნიშვნელოვნად შეაფერხა დახმარების მიწოდება. ჰუმანიტარულ ორგანიზაციებს არ აქვთ წვდომა ქვეყნის ბევრ რეგიონზე, მათ შორის შანის შტატზე, რომელიც წყალდიდობის გამო ყველაზე მეტად დაზარალდა. ამასთან, ვიეტნამში ტაიფუნ “იაგის“ შედეგად დაღუპულთა რიცხვი 292-მდე გაიზარდა, 38 დაკარგულად მიიჩნევა. დაზიანდა 230 000-ზე მეტი საცხოვრებელი სახლი“,- ნათქვამია ინფორმაციაში.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა