უკრაინის უმაღლესმა რადამ რუსეთთან დაკავშირებული რელიგიური საქმიანობის აკრძალვის შესახებ კანონპროექტი დაამტკიცა

2024-08-20 14:51:47, 460 ნახვა

მსოფლიო

უკრაინის უმაღლესმა რადამ რუსეთთან დაკავშირებული რელიგიური ორგანიზაციების საქმიანობის აკრძალვის შესახებ კანონპროექტი დაამტკიცა. ამის შესახებ დეპუტატები იაროსლავ ჟელეზნიაკი და რომან ლოზინსკი Telegram-ზე წერენ.

ჟელეზნიაკის ცნობით, კანონი მისი გამოქვეყნებიდან 30 დღეში შედის ძალაში. ამასთან, ერთ-ერთი პუნქტით, მოსკოვის საპატრიარქოს უკრაინის მართლმადიდებელი ეკლესიის თემებს რუსეთის მართლმადიდებელ ეკლესიასთან კავშირების გასაწყვეტად ცხრათვიანი ვადა მიეცემათ.

"რადამ საბოლოოდ მიიღო დამუშავებული კანონპროექტი უკრაინის ტერიტორიაზე რუსეთთან დაკავშირებული რელიგიური ორგანიზაციების საქმიანობის აკრძალვის შესახებ“, - წერს ჟელეზნიაკი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,