„საქართველოს ბანკისა" და Startup Grind-ის ღონისძიებების სერია გრძელდება. ამჯერად, 18 ივლისს, თბილისში, სტარტაპერებთან და ტექნოლოგიებით დაინტერესებულ ადამიანებთან შეხვედრას მსოფლიოში ცნობილი კომპანიის, Grammarly-ის ინჟინერი და Gymnasia-ს დამფუძნებელი, იგორ კონონუჩენკო გამართავს.

Grammarly ხელოვნურ ინტელექტზე დაფუძნებული ტექნოლოგიური სტარტაპია, რომელმაც ინგლისურენოვანი ტექსტის რედაქტირების ხელსაწყო შექმნა. იგი პირველი „უნიკორნი“ სტარტაპია უკრაინიდან, შეხვედრა კი, Grammarly-ის მაგალითზე დაყრდნობით, ტექნოლოგიური კომპანიების გამოწვევებს შეეხება.  შეხვედრაზე იგორ კონონუჩენკო საკუთარ გამოცდილებას გააზიარებს, თუ როგორ იქცა პროგრამული უზრუნველყოფის ინჟინერი Grammarly-ის ერთ-ერთ მთავარ ფიგურად და რა როლი შეასრულა მილიარდიანი კომპანიის განვითარებაში. იგი ასევე დამსწრეებს გაუზიარებს პრაქტიკულ რჩევებს, თუ როგორ უნდა გადაჭრან კომპლექსური საინჟინრო საკითხები და გააუმჯობესონ ტექნოლოგიური გადაწყვეტები სტარტაპში.

„საქართველოს ბანკი" აგრძელებს ტექნოლოგიური ინიციატივების განხორციელებას და მათ შორის სტარტაპ ეკოსისტემისთვის საინტერესო შეხვედრების მხარდაჭერას. ჩვენთვის, როგორც დიდი ტექნოლოგიური ორგანიზაციისთვის, მნიშვნელოვანია, მეწარმეებს შორის კომპეტენციის გაზიარებას შევუწყოთ ხელი. გამოცდილების გაზიარებითა და მისაბაძი მაგალითების ჩვენებით კი სტიმული მივცეთ, რათა შეძლონ ინოვაციების დანერგვა, უახლესი ტექნოლოგიების შექმნა და ყოველდღიურ საქმიანობაში გამოყენება. ჩვენ ტექნოლოგიებით დაინტერესებულ ადამიანებს მომავალშიც არაერთ საინტერესო შეხვედრას შევთავაზებთ“, - ამბობენ „საქართველოს ბანკში".

შეხვედრა გაიმართება თბილისში, ტერმინალში, აბაშიძის 34-ში. სამუშაო ენაა ინგლისური. ღონისძიებაზე დასასწრებად ეწვიეთ ბმულს: https://www.startupgrind.com/e/m8p2kx/

ავტორი: NS (სტატია დაფინანსებულია),

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება