ჩინეთმა და ბელარუსმა, პოლონეთის საზღვრიდან რამდენიმე მილის დაშორებით, ერთობლივი სამხედრო წვრთნები დაიწყეს. ამის შესახებ ინფორმაციას უცხოური მედია ავრცელებს.

როგორც მედია ბელარუსის თავდაცვის სამინისტროზე დაყრდნობით იუწყება, წვრთნები, სახელწოდებით Falcon Assault, ქალაქ ბრესტის მახლობლად მდებარე სასწავლო მოედანზე მიმდინარეობს. 

"ანტიტერორისტული წვრთნების" ფარგლებში, ჩინელი და ბელარუსი სამხედრო მოსამსახურეები შეიმუშავებენ ღამის დაშვების, წყლის ბარიერების გადალახვისა და დასახლებულ ტერიტორიაზე ოპერაციების ჩატარების საკითხებს",- აცხადებენ ბელარუსის თავდაცვის სამინისტოში. 

თავის მხრივ, ჩინეთის თავდაცვის უწყებაში ამბობენ, რომ "ერთობლივი წვრთნები მიზნად ისახავს მონაწილე ჯარების კოორდინაციის შესაძლებლობებისა და ორ არმიას შორის პრაქტიკული თანამშრომლობის გაღრმავებას".

აღსანიშნავია, რომ წვრთნები დაიწყო ვაშინგტონში ნატოს სამიტის წინა დღეს, სადაც მისი 32 წევრი ქვეყანა, მათ შორის პოლონეთი, შეიკრიბება, რათა უკრაინის შემდგომი სამხედრო და ფინანსური მხარდაჭერა განიხილოს.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს