უკრაინის უსაფრთხოების სამსახურმა (SBU) გამოავლინა და დააკავა ჯგუფი, რომელიც კიევში, მასშტაბურ არეულობებსა და პროვოკაციებს გეგმავდა. ამის შესახებ ინფორმაციას უკრაინის უსაფრთხოების სამსახური Telegram-ზე ავრცელებს.

გამოძიების ინფორმაციით, ჯგუფს 2015 წლიდან ანტიუკრაინული ქმედებებით ცნობილი საზოგადოებრივი ორგანიზაციის თანადამფუძნებელი ხელმძღვანელობდა.

ორგანიზაცია უკრაინის ამჟამინდელი სამხედრო და პოლიტიკური ხელმძღვანელობის „ხელისუფლებიდან ჩამოშორებას“ გეგმავდა.

"ამ გზით ისინი იმედოვნებდნენ, რომ შეარყევდნენ ჩვენს ქვეყანაში არსებულ სოციალურ და პოლიტიკურ ვითარებას, რაც რუსეთის ფედერაციის სასარგებლოდ იმუშავებდა", - აცხადებენ უკრაინის უსაფრთხოების სამსახურში.

გამოძიება დაკავებულების წინააღმდეგ კონსტიტუციური წესრიგის ძალადობრივი შეცვლის, დამხობის ან სახელმწიფო ხელისუფლების ხელში ჩაგდების მუხლით დაიწყო და მათ 10-წლიანი პატიმრობა ემუქრებათ.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს