2024-06-27 11:29:12, 442 ნახვა
მსოფლიო
კირბი - აშშ მარკ რუტეს ნატოს გენერალური მდივნის თანამდებობაზე დანიშვნას მიესალმება
თეთრი სახლი ნიდერლანდების პრემიერ-მინისტრის, მარკ რუტეს ჩრდილოატლანტიკური ალიანსის გენერალური მდივნის თანამდებობაზე დანიშვნას ეხმაურება.
როგორც თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, აშშ-ის პრეზიდენტი ჯო ბაიდენი და მარკ რუტე თანამშრომლობენ სხვადასხვა საკითხზე, "მათ შორის, საერთო ძლიერ მხარდაჭერაზე უკრაინისადმი, მოწინავე ტექნოლოგიების დაცვასა და ტრანსატლანტიკური ალიანსის გაძლიერებაზე“.
"აშშ მიესალმება ნიდერლანდების პრემიერ-მინისტრის, მარკ რუტეს ნატოს გენერალური მდივნის თანამდებობაზე დანიშვნას",- თქვა კირბიმ.
შეგახსენებთ, გუშინ, 26 ივნისს ჩრდილოატლანტიკურმა საბჭომ ნატოს გენერალურ მდივნად ნიდერლანდების პრემიერ-მინისტრის, მარკ რუტეს დანიშვნის გადაწყვეტილება მიიღო. რუტე ალიანსის გენერალური მდივნის უფლებამოსილების შესრულებას 1-ელი ოქტომბრიდან შეუდგება
ავტორი: ექსპრესნიუსი,
epn.ge (@expressnews.ge)
