2024-06-27 09:53:11, 490 ნახვა

---

აშშ-ის საელჩო - საქართველოს ნაკრები აგრძელებს გაუტეხელი სულის ჩვენებას - ვზეიმობთ ყველა გულშემატკივართან ერთად!

საქართველოში ამერიკის შეერთებული შტატების საელჩო ეროვნული საფეხბურთო ნაკრების ისტორიულ გამარჯვებას ეხმაურება.

საელჩო განცხადებას სოციალურ ქსელში აქვეყნებს.

"საქართველოს ნაკრები აგრძელებს გაუტეხელი სულის ჩვენებას! გილოცავთ ამ საოცარ გამარჯვებასა და დიდებულ თამაშს. ვზეიმობთ საქართველოს ყველა გულშემატკივართან ერთად!" - ნათქვამია საელჩოს განცხადებაში. 

შეგახსენებთ, გუშინ, 26 ივნისს საქართველოს ეროვნულმა საფეხბურთო ნაკრებმა ევროპის ჩემპიონატის ჯგუფური ეტაპის მესამე მატჩში პორტუგალიის ნაკრები 2:0 დაამარცხა და მერვედფინალის საგზური მოიპოვა. 

ისტორიულ მატჩში პირველი გოლი შეხვედრის დაწყებიდან მეორე წუთზე ხვიჩა კვარაცხელიამ გაიტანა, ხოლო მეორე გოლის ავტორი, მეორე ტაიმში, პენალტით გიორგი მიქაუტაძე გახდა.

მერვედფინალში საქართველოს ნაკრები ესპანეთის ეროვნულ ნაკრებს დაუპირისპირდება. შეხვედრა 30 ივნისს გაიმართება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი