ვაშინგტონში, ბირთვული უსაფრთხოების სამიტზე, საქართველოს დელეგაციას პრეზიდენტი უხელმძღვანელებს

2016-02-15 15:49:47, 454 ნახვა

პოლიტიკა

მარტის ბოლოს ვაშინგტონში, ბირთვული უსაფრთხოების სამიტზე, საქართველოს დელეგაციას პრეზიდენტი გიორგი მარგველაშვილი უხელმძღვანელებს.

ამის შესახებ პრეზიდენტის მრჩეველმა საგარეო ურთიერთობების საკითხებში თენგიზ ფხალაძემ განაცხადა.

„31 მარტს ვაშინგტონში იმართება ბირთვული უსაფრთხოების სამიტი. მთავრობასთან კონსულტაციების შედეგად, გადაწყდა, რომ მნიშვნელოვანია, ქვეყნის ინტერესებიდან გამომდინარე, საქართველო წარმოდგენილი იყოს პრეზიდენტის სახით. შესაბამისად საქართველოს პრეზიდენტი გაემგზავრება ამ სამიტზე, სადაც მას ბუნებრივია გარდა სამიტში მონაწილეობისა ექნება ორმხრივი შეხვედრები. ამჟამად მიმდინარეობს მუშაობა პროგრამაზე, ორხმრივი შეხვედრების დაგეგმვაზე, დელეგაციის შემადგენლობაზე, რის შესახებაც დამატებითი ინფორმაცია მიეწოდება საზოგადოებას“, - განაცხადა თენგიზ ფხალაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან