სააკაშვილი: დღეს მთავრობა ერთი ფეოდალისა და გაზპრომის აქციონერის ინტერესებს ატარებს

2016-02-13 22:08:21, 527 ნახვა

პოლიტიკა

''დღეს მთავრობა ერთი ფეოდალისა და გაზპრომის აქციონერის ინტერესებს ატარებს'' - ამის შესახებ საქართველოს ყოფილმა პრეზიდენტმა, მიხეილ სააკაშვილმა რუსთვი 2-სთვის მიცემულ ინტერვიუში განაცხადა. მისი თქმით, დღეს საქართველოს ოკუპაციას მსოფლიოს დონეზე აღარავინ ახსენებს, რაც ქვეყნის ამჟამინდელი ხელისუფლების პოლიტიკიდან გამომდინარეობს.

''საქმე იმაშია, რომ აღარავინ ახსენებს საქართველოს ოკუპაციას. აღარ ახსენებს იმიტომ, რომ საქართველო თვითონ აღარ ლობირებს ამას. საქართველო გამქრალია რადარებიდან. რაც უნდოდათ, ის გააკეთა. მოდიოდა და გახსოვთ ამბობდა, არ უნდა ვიყოთ განხეთქილების ვაშლი დასავლეთსა და რუსეთს შორისო. ივანიშვილი ამბობდა ამას და სხვათაშორის ირაკლი ალასანიაც. აღარ ვართ არანაირი ვაშლი, არც კიტრი აღარ ვართ, ვართ საერთოდ გამქრალები. ახლა ბოდიში და სულ ფეხებზე ჰკიდიათ საქართველო. ეს არის დღევანდელი შედეგი. შეუძლია, 107 პრემიერ მინისტრი გამოაგზავნოს, მაგრამ იქნებიან ერთი პროვინციელი ფეოდალის ჩვეულებრივი მონა. მრცხვენია, ასე ვუწოდო, მაგრამ ეს არის რეალობა,'' - განაცხადა საქართველოს ყოფილმა პრეზიდენტმა, მიხეილ სააკაშვილმა რუსთავი 2-ის პირდაპირ ეთერში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან