2024-05-01 10:36:35, 522 ნახვა
სამართალი
შს მინისტრის მოადგილე - ხაბეიშვილი პოლიციის კორდონში შეიჭრა, რა დროსაც სხეულის დაზიანება მიიღო
„ნაციონალური მოძრაობის“ თავმჯდომარე ლევან ხაბეიშვილი პოლიციელებისთვის საქმიანობაში ხელის შეშლის მიზნით, შეიჭრა პოლიციის კორდონში, გაუწია მათ წინააღმდეგობა, რა დროსაც მიიღო სხეულის დაზიანება, - ამის შესახებ შინაგან საქმეთა მინისტრის მოადგილემ, ალექსანდრე დარახველიძემ ბრიფინგზე განაცხადა.
დარახველიძის თქმით, შესაბამისი სამსახურები საჭირო საგამოძიებო მოქმედებებს ახორციელებენ.
„ლევან ხაბეიშვილი დაუყოვნებლივ გადაიყვანეს სამედიცინო დაწესებულებაში. აღნიშნულთან დაკავშირებით შესაბამისი სამსახურები უზრუნველყოფენ საჭირო საგამოძიებო მოქმედებების განხორციელებას“, - თქვა დარახველიძემ.
ავტორი: ექსპრესნიუსი,
epn.ge (@expressnews.ge)
