უკრაინის პრეზიდენტმა ვლადიმერ ზელენსკიმ ისრაელზე ირანის თავდასხმასთან დაკავშირებით ახალი განცხადება გაავრცელა. კიევი გმობს თეირანის ქმედებებს.

„უკრაინა გმობს ირანის თავდასხმას ისრაელის წინააღმდეგ შაჰედის თვითმფრინავების და რაკეტების გამოყენებით. ჩვენ უკრაინაში კარგად ვიცით რუსეთის მხრიდან მსგავსი თავდასხმების საშინელება, იგივე შაჰედის თვითმფრინავების და რუსული რაკეტების გამოყენებით, მასიური საჰაერო დარტყმების იგივე ტაქტიკა“, - წერს ზელენსკი სოციალურ ქსელში.

პრეზიდენტმა აღნიშნა, რომ ირანის ქმედებები, ისევე როგორც რუსეთის ქმედებები უკრაინაში, საფრთხეს უქმნის რეგიონს და მთელ მსოფლიოს და მოუწოდა პასუხის გაცემას „ორ რეჟიმის აშკარა თანამშრომლობაზე ტერორის გავრცელებაში“.

"შაჰედის დრონების ხმა, ტერორის ინსტრუმენტი, იგივეა ახლო აღმოსავლეთისა და ევროპის ცაზე. ეს ხმა უნდა იყოს გამოღვიძების ზარი თავისუფალ სამყაროში, იმის დემონსტრირება, რომ მხოლოდ ჩვენს ერთიანობას და მონდომებას შეუძლია სიცოცხლის გადარჩენა და ტერორის გავრცელების" - ამბობს, ვოლოდიმერ ზელენსკი

”ყველა ძალისხმევა უნდა იქნას გამოყენებული ახლო აღმოსავლეთში შემდგომი ესკალაციის თავიდან ასაცილებლად,” - თქვა ზელენსკიმ და ხაზგასმით აღნიშნა, რომ დისკუსიების დრო ამოიწურა და უპილოტო თვითმფრინავებს და რაკეტებს სიტყვებით ვერ ჩამოაგდებენ - ეს მოითხოვს ”ხელშესახებ დახმარებას”.

”უაღრესად მნიშვნელოვანია, რომ შეერთებული შტატების კონგრესმა მიიღოს საჭირო გადაწყვეტილებები ამერიკის მოკავშირეების გასაძლიერებლად ამ კრიტიკულ დროს”, - თქვა ზელენსკიმ.

ამერიკის კონგრესში დაბლოკილია კანონი უკრაინისთვის 60 მილიარდი დოლარის ახალი დახმარების პაკეტის გამოყოფის შესახებ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს