უკრაინამ რუსული ტყვეობიდან 207 მებრძოლი გაათავისუფლა. ამის შესახებ უკრაინის პრეზიდენტის ადმინისტრაციის ხელმძღვანელი ანდრეი ერმაკი Telegram-ზე წერს.

ერმაკის თქმით, გათავისუფლებულებს შორის უკრაინის შეიარაღებული ძალების, ეროვნული გვარდიისა და ეროვნული პოლიციის - რიგითი, სერჟანტი და ოფიცერი ჯარისკაცები არიან.

"ჩვენ ჩვენს ხალხს რუსული ტყვეობიდან ვაბრუნებთ. დღეს სახლში 207 უკრაინელი დაბრუნდა, რომელთა შორის შეიარაღებული ძალების, ეროვნული გვარდიის, ეროვნული პოლიციის - რიგითი, სერჟანტი და ოფიცერი ჯარისკაცი არიან. მარიუპოლის დამცველები, ჯარისკაცები, რომლებიც იბრძოდნენ "აზოვსტალის", ზმეინის კუნძულის, დონეცკის, ზაპოროჟიეს, ხარკოვის, ლუგანსკის, ხერსონისა და სუმის მიმართულებით.

ეს არის მეორე ძირითადი გაცვლა ხანგრძლივი პაუზის შემდეგ. ჩვენ ვაგრძელებთ მუშაობას და პრეზიდენტის დავალების შესრულებას - ყველას დაბრუნდება უკრაინაში. მადლობელი ვარ სამხედრო ტყვეების მოპყრობის საკოორდინაციო შტაბის მიერ გაწეული მუშაობისთვის. ჩვენ დიდი მისია გვაქვს, ჩვენი მებრძოლების ნაწილი კვლავ ტყვეობაში რჩება, ვმუშაობთ მათ სახლში დასაბრუნებლად", - წერს ერმაკი.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა