აღსრულების ეროვნულმა ბიურომ თბილისში, ცოტნე დადიანის ქუჩაზე, კაკიაშვილების ოჯახის გამოსახლება გადადო. აღნიშნულის შესახებ ინფორმაციას საზოგადოებრივი მაუწყებელი აღსრულების ეროვნულ ბიუროზე დაყრდნობით ავრცელებს.

მაუწყებლის ცნობით, ოჯახს პრობლემის მოგვარებისთვის დამატებითი ვადა მიეცა.

„აღსრულების ეროვნულმა ბიურომ მიიღო გადაწყვეტილება, გადაიდოს დღევანდელი გამოსახლების პროცესი, რადგან ოჯახი სოციალურად დაუცველია, მათ ოჯახში ასევე ჰყავთ ორი არასრულწლოვანი და მათი საუკეთესო ინტერესებიდან გამომდინარე გადაიდო დღევანდელი პროცესი, ასევე ოჯახს მიეცა დამატებითი ვადა მოლაპარაკებებისთვის“,- აცხადებს აღსრულების ეროვნული ბიუროს საზოგადოებასთან ურთიერთობის მენეჯერი პაატა შამუგია.

აღსანიშნავია, რომ საცხოვრებელ კორპუსთან დილიდან მოქალაქეები და აქტივისტები არიან შეკრებილნი, რომლებიც კაკიაშვილების ოჯახის ბინიდან გამოსახლებას აპროტესტებენ.

შეგახსენებთ, რომ გუშინ 23 იანვარს, თბილისში, კეკელიძის ქუჩაზე ხატიაშვილების ოჯახი გამოასახლეს, რასაც ხმაური და დაპირისპირება მოჰყვა.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება