უკრაინის მხარდაჭერა არა ქველმოქმედება, არამედ ჩვენს საკუთარ უსაფრთხოებაში განხორციელებული ინვესტიციაა,- ამის შესახებ ნატოს გენერალურმა მდივანმა, იენს სტოლტენბერგმა დავოსის მსოფლიო ეკონომიკურ ფორუმზე განაცხადა.

ჩრდილოატლანტიკური ალიანსის ლიდერმა იმედი გამოთქვა, რომ ნატოს მოკავშირეები საომარ მდგომარეობაში მყოფი ქვეყნის დახმარებას გააგრძელებენ.

"ჩვენ უნდა ვიდგეთ უკრაინის გვერდით და რაღაც ეტაპზე რუსეთი გააცნობიერებს, რომ ზედმეტად დიდ საფასურს იხდის, დაჯდება და დათანხმდება რამე სახის სამართლიან მშვიდობას, თუმცა ჩვენ უნდა ვიდგეთ უკრაინის გვერდით",- თქვა სტოლტენბერგმა.

მისივე თქმით, იმის მიუხედავად, რომ რუსეთი უკრაინას "ძლიერად უტევს", ოპტიმიზმის საფუძველი არსებობს.

"ვხედავთ, როგორ აძლიერებს რუსეთი თავის პოზიციებს; როგორ იძენენ ისინი დრონებს ირანისგან; აშენებენ დრონის მწარმოებელ საკუთარ ქარხანას; როგორ იღებენ საბრძოლო აღჭურვილობას და ბალისტიკურ რაკეტებს ჩრდილოეთ კორეისგან; მათ ასევე აჩვენეს მაღალი შემგუებლობა მსხვერპლის მიმართ. რუსეთი ძლიერად უტევს და ეს არის სერიოზული, ჩვენ ყოველთვის სათანადოდ უნდა შევაფასოთ რუსეთი, თუმცა ამასთან ერთად, მე მჯერა, რომ არის ასევე ოპტიმიზმის მიზეზიც",- თქვა ნატოს გენერალურმა მდივანმა.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს