უკრაინამ, 25 დეკემბრის ღამეს, რუსეთის მიერ გაშვებული 28 დრონი და 2 ბომბდამშენი გაანადგურა. აღნიშნულის შესახებ ინფორმაციას უკრაინის შეიარაღებული ძალების საჰაერო ძალები Telegram-ზე ავრცელებს.

საჰაერო ძალების ცნობით, უპილოტო საფრენი აპარატებისა და რაკეტების გაშვება ყირიმიდან დაფიქსირდა.

"2023 წლის 25 დეკემბრის ღამეს ოკუპანტებმა უკრაინას ოკუპირებული ყირიმიდან Shahed-ის ტიპის დრონებით შეუტიეს. სულ დაფიქსირდა 31 Shahed-136/131-ის ტიპის უპილოტო საფრენი აპარატის გაშვება. საზენიტო ბრძოლის შედეგად ოდესის, ხერსონის, ნიკოლაივის, დონეცკის, კიროვოგრადისა და ხმელნიცკის რაიონებში უკრაინის საჰაერო ძალების და თავდაცვის ძალების ძალებითა და საშუალებებით განადგურდა 28 უპილოტო საფრენი აპარატი.

საჰაერო შეტევისას მტერმა ასევე გამოიყენა Kh-59-ის მართვადი საჰაერო რაკეტა ზაპოროჟიეს მიმართულებით და Kh-31P-ის სარადარო რაკეტა შავი ზღვიდან. ორივე განადგურებულია.

საჰაერო ძალების საზენიტო-სარაკეტო დანაყოფებმა ასევე გაანადგურეს მტრის ორი ბომბდამშენი: ერთი Су-34 დონეცკის რეგიონში (რომელიც საღამოს დაფიქსირდა) და ერთი Су-30СМ შავი ზღვის თავზე", - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს