დუშეთში ძლიერმა ქარმა ნაძვის ხე დააზიანა

2023-12-18 10:31:09, 704 ნახვა

საზოგადოება

დუშეთში ძლიერმა ქარმა ქალაქის მთავარი საახალწლო ნაძვის ხე დააზიანა. მუნიციპალიტეტის მერიის ცნობით, შემთხვევის შედეგად არავინ დაშავებულა.

მერიის ინფორმაციით, წუხელ გვიან ღამით ადგილზე იმყოფებოდნენ მერიის კეთილმოწყობის სამსახურის წარმომადგენლები, რომლებიც შესაბამის ღონისძიებებს ატარებდნენ.

"სამწუხაროდ, უამინდობის გამო, საახალწლო ნაძვის ხე, რომელიც ქალაქის ცენტრში დგას, მნიშვნელოვნად დაზიანდა. ადგილზე სათანადო ღონისძიებები ტარდება. მიუხედავად ძლიერი ქარისა, ჩვენთან ერთად იმყოფებიან ყველა შესაბამისი სამსახურის წარმომადგენლები და ადგილობრივი მოქალაქეები, რომლებიც მაქსიმალურად გვეხმარებიან, რისთვისაც მათ განსაკუთრებულ მადლობას ვუხდი",- განაცხადა დუშეთის მერმა, მაცაცო ნარიმანიძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,