2023-11-30 16:53:31, 1500 ნახვა
ომი უკრაინაში
ზელენსკი - ყირიმის დეოკუპაცია უფრო მარტივი იქნება, ვიდრე დონბასის
ყირიმის დეოკუპაცია უფრო მარტივი იქნება, ვიდრე დონბასის, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
როგორც ზელენსკი განმარტავს, ყველაზე რთული საკითხი არა ტერიტორიების, არამედ ადგილობრივი მოსახლეობის დაბრუნებას უკავშირდება.
„შეიძლება ისე მოხდეს, რომ ტერიტორიები მოსახლეობაზე უფრო ადრე დავიბრუნოთ. დონბასი რომ ავიღოთ, იქ უკვე 10 წელია, ადამიანები სხვა განზომილებაში ცხოვრობენ, ამიტომ ეს ხანგრძლივი პროცესია. ჩემი აზრით, დონბასის შემთხვევაში საქმე უფრო რთულადაა. პარტნიორები მეუბნებოდნენ, რომ ყირიმის დაბრუნება თითქმის შეუძლებელი, ხოლო დონბასის დაბრუნება ძალიან რთული იქნება. ჩემი აზრით, თუ ადამიანებზე ვსაუბრობთ, ტერიტორიები ხომ ხალხთან ერთად ბრუნდება, თუ ამ ადამიანებს არ სურთ - პროცესი ძალიან რთული იქნება“, - განაცხადა უკრაინის პრეზიდენტმა.
ავტორი: ექსპრესნიუსი,
epn.ge (@expressnews.ge)
