გარემოს დაცვისა და სოფლის მეურნეობის მინისტრმა ოთარ შამუგიამ, „ეკონომიკურ ფორუმზე” სოფლის მეურნეობის დარგში განხორციელებულ და მიმდინარე პროგრამებზე, დარგში არსებულ მიღწევებსა და გამოწვევებზე ისაუბრა. 

სოფლის მეურნეობის სამინისტროს ცნობით, „ეკონომიკური ფორუმის” ფარგლებში გამართულ დისკუსიაში მონაწილეობდნენ გაეროს განვითარების პროგრამის პროექტის მენეჯერი ნოდარ კერესელიძე, საქართველოს ბანკის გენერალური დირექტორი არჩილ გაჩეჩილაძე, სახელმწიფო უწყებების, ბიზნესსექტორის, დარგობრივი ასოციაციის წარმომადგენლები.

დისკუსიას მოდერაციას უწევდა „ბიზნესინსაიდერ საქართველოს“ დამფუძნებელი და ხელმძღვანელი გიორგი აბაშიშვილი.

სიტყვით გამოსვლისას, მინისტრმა ოთარ შამუგიამ აღნიშნა, რომ სახელმწიფო გააგრძელებს სოფლის მეურნეობის განვითარების მხარდაჭერას, რათა შეიქმნას მეტი ხარისხიანი აგროპროდუქტი, რომელიც კონკურენტუნარიანი იქნება ევროპის ბაზარზე, რაც მნიშვნელოვანია დღევანდელ რეალობაში, როცა საქართველო ევროკავშირის კანდიდატის სტატუსის მიღების მოლოდინშია. 

„მნიშვნელოვანია, რომ ჩვენ ვაგრძელებთ ყველა იმ 15-მდე პროგრამას, რომელსაც დღეს სოფლის მეურნეობის სამინისტრო ახორციელებს დარგის მიმართულებების ღირებულებათა ჯაჭვის ყველა რგოლის მხარდასაჭერად. რა თქმა უნდა, გვექნება სიახლეები პროგრამების სხვადასხვა კომპონენტის ნაწილში; ეს ბუნებრივი პროცესია, ვინაიდან ჩვენ, არსებული საჭიროებების მიხედვით, ფერმერებთან, ასოციაციებთან, დარგის წარმომადგენლებთან ერთად,  ცვლილებები შეგვაქვს სხვადასხვა პროექტში. სიახლეები გვექნება მომავალ წელსაც. სახელმწიფო გააგრძელებს  სოფლის მეურნეობის დარგის შემდგომი განვითარების აქტიურ მხარდაჭერას როგორც ტექნიკით უზრუნველყოფის, ასევე,  გადამმუშავებელი და შემნახველი საწარმოების შემდგომი გაფართოების კუთხით. მხარდაჭერა გაგრძელდება მარკეტინგის მიმართულებითაც - ჩვენი პროდუქციის საერთაშორისო ბაზრებზე პოპულარიზაციის და ბაზრების დივერსიფიცირების ნაწილში”, - განაცხადა ოთარ შამუგიამ.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს