უკრაინის პრეზიდენტის, ვოლოდიმირ ზელენსკის განცხადებით, ზაპოროჟიეს ოლქში 128-ე სამთო-მოიერიშე ბრიგადის სამხედროების დაღუპვასთან დაკავშირებული ტრაგედიის თავიდან აცილება შესაძლებელი იყო.

ზელენსკიმ ტრადიციულ ვიდეომიმართვაში ხაზგასმით აღნიშნა, რომ გამოძიებამ საზოგადოებას უნდა გასცეს პასუხი, თუ როგორ მოხდა ტრაგედია და ვისი ბრძანებები იყო არასწორი.

„ჩემი სამძიმარი დაღუპული მეომრების ყველა ნათესავსა და ახლობლებს. ეს არის ტრაგედია, რომლის თავიდან აცილება შესაძლებელი იყო. თავდაცვის მინისტრმა, უმეროვმა მაცნობა ზომების შესახებ, რომლებიც მიღებულია მომხდარის ყველა გარემოების გასარკვევად, კონკრეტულად ვინ და რა განკარგულებებს იძლეოდა.

ტრაგედიის ფაქტზე დარეგისტრირდა ასევე სისხლის სამართლის წარმოება. გრძელდება შესაბამისი გამოძიება. მთავარია, დადგინდეს სრული სიმართლე იმის შესახებ, რაც მოხდა და მსგავსი მეტი არ დავუშვათ. თითოეულმა სამხედრომ საბრძოლო მოქმედებების ზონაში იცის, როგორ უნდა მოიქცეს ღია ცის ქვეშ, როგორ იზრუნოს უსაფრთხოებაზე“,- ამბობს უკრაინის პრეზიდენტი.

"უკრაინსკაია პრავდას“ ინფორმაციით, 3 ნოემბერს, დაახლოებით, 10:00 საათზე, ზაპოროჟიეს ოლქის ფრონტისპირა სოფელში 128-ე სამთო-მოიერიშე ბრიგადაზე რუსეთმა თავდასხმა განახორციელა. იერიშს, რომელიც სავარაუდოდ, არტილერიის დღესთან დაკავშირებულ საზეიმო ღონისძიებაზე მოხდა, 20-ზე მეტი ჯარისკაცი ემსხვერპლა. 

4 ნოემბერს, თავდაცვის მინისტრმა, რუსტემ უმეროვმა უწყების გენინსპექციას ტრაგედიის გამოძიება დაავალა. მომხდარის გამო გამოცხადდა სამდღიანი გლოვა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს