2023-11-03 10:28:12, 920 ნახვა

---

აშშ-ის წარმომადგენელთა პალატამ ისრაელისთვის $14.3-მილიარდიანი კანონპროექტი დაამტკიცა - სენატში აცხადებენ, რომ მას მხარს არ დაუჭერენ

ამერიკის შეერთებული შტატების წარმომადგენელთა პალატამ მხარი დაუჭირა ისრაელისთვის 14.3 მილიარდი დოლარის ღირებულების (11,7 მილიარდი ფუნტი) დახმარების პაკეტის გამოყოფას, თუმცა "დემოკრატები" აცხადებენ, რომ აღნიშნულ კანონპროექტს სენატი მხარს არ დაუჭერს. ამის შესახებ BBC წერს.

სენატის ლიდერმა, ჩაკ შუმერმა გააკრიტიკა წარმომადგენელთა პალატის კანონპროექტი და მას ხარვეზიანი უწოდა.

BBC-ის ცნობით, "დემოკრატიული პარტიის" წარმომადგენლებს სურდათ, მიეღოთ კანონპროექტი, რომელიც უკრაინის ფინანსურ დახმარებასაც მოიცავდა, მაგრამ პალატის "რესპუბლიკელი" წევრები ისრაელისა და უკრაინის ერთიანი დახმარების წინააღმდეგი არიან.

"დემოკრატებმა" ასევე გააპროტესტეს, თუ როგორ არის სტრუქტურირებული "რესპუბლიკელების" წინადადება: „ის მიზნად ისახავს ისრაელის მილიარდებით უზრუნველყოფას შიდა შემოსავლების სამსახურისთვის დაფინანსების შემცირებით, რომელსაც ევალება გადასახადების შეგროვება აშშ-ში“.

პრეზიდენტმა, ჯო ბაიდენმა პირობა დადო, რომ თუ კანონპროექტი "მის მაგიდაზე აღმოჩნდება", ვეტოს დაადებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი