„ვაგნერის“ მებრძოლები უკრაინაში საბრძოლველად ბრუნდებიან. აღნიშნულის შესახებ განცხადებას ბრიტანეთის დაზვერვა ავრცელებს.

ბრიტანეთის დაზვერვის ცნობით, „ვაგნერელთა“ ძალები დონეცკის ოლქის გარშემო იქნებიან კონცენტრირებული.

"სავარაუდოდ, [„ვაგნერელები“] რუსეთის თავდაცვის სამინისტროს ძალების ნაწილებსა და სხვადასხვა დაჯგუფებებში გადაიყვანეს. „ვაგნერელთა“ ძალები დონეცკის ოლქის, ბახმუტის გარშემო იქნებიან კონცენტრირებული.

მათი გამოცდილება, სავარაუდოდ, განსაკუთრებით მოთხოვნადი იქნება ამ სექტორში [ბახმუტთან]. ბევრი მათგანი იცნობს ამჟამინდელ ფრონტის ხაზს და ადგილობრივ უკრაინულ ტაქტიკას. ისინი ["ვაგნერელები"] ზამთარში ამავე ტერიტორიაზე იბრძოდნენ",- აღნიშნულია განცხადებაში.

შეგახსენებთ, რომ „ვაგნერის“ მებრძოლებმა უკრაინა პრიგოჟინის აჯანყებამდე, ივნისის დასაწყისში დატოვეს.

რუსული კერძო სამხედრო კომპანია „ვაგნერის“ ლიდერმა, ევგენი პრიგოჟინმა რუსეთის ხელისუფლების წინააღმდეგ აჯანყება 24 ივნისს გამოაცხადა, თუმცა ბელარუსის პრეზიდენტთან, ალექსანდრ ლუკაშენკოსთან დიალოგის შემდეგ, აჯანყება შეწყვიტა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს