2023-05-30 16:22:20, 1393 ნახვა
ომი უკრაინაში
ზელენსკი - პუტინის მიზანი საბჭოთა კავშირის აღდგენაა
ვლადიმერ პუტინის მიზანი საბჭოთა კავშირის აღდგენაა, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
როგორც ზელენსკიმ აღნიშნა, ვინაიდან საბჭოთა კავშირის აღდგენა დიპლომატიური გზით შეუძლებელია, რუსეთის პრეზიდენტმა ამის მიღწევა მუქარის გზით სცადა, რაც ასევე წარუმატებლად დასრულდა, რის შემდგომაც მან გადაწყვიტა ღია აგრესორი გამხდარიყო.
"საბჭოთა კავშირის აღდგენა. ეს არის მისი [პუტინის] ცხოვრების მიზანი. ვინაიდან დიპლომატიური გზით ამის მიღწევა შეუძლებელია, სცადა ყველანაირი მუქარა და ენერგიის იარაღად გადაქცევა. საბოლოოდ, არ გამოვიდა. შემდეგ მან გადაწყვიტა ღია აგრესორი გამხდარიყო", - განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
