2023-05-24 10:43:17, 1515 ნახვა
ომი უკრაინაში
პესკოვის განცხადებით, რუსეთი უკრაინაში კონფლიქტის გაყინვის წინააღმდეგია
რუსეთის ფედერაციის პრეზიდენტის პრესმდივნის, დიმიტრი პესკოვის განცხადებით, რუსეთი უკრაინაში კონფლიქტის გაყინვას ეწინააღმდეგება.
პროპაგანდისტული მედიის - TASS-ის შეკითხვაზე, არის თუ არა რუსეთი სოლიდარული დასავლეთის მიმართ საკითხზე, რომ უკრაინაში კონფლიქტი არ უნდა გაყინოს, პესკოვმა თქვა:
„რუსეთი სოლიდარულია“.
პრესმდივნის განცხადებით, რუსეთი მხოლოდ "სპეციალური სამხედრო ოპერაციის" დასრულებას განიხილავს.
„რუსეთი განიხილავს მხოლოდ სპეციალური სამხედრო ოპერაციის დასრულებას: თავისი ინტერესების უზრუნველყოფას, რუსეთის მიზნების მიღწევას ან სპეციალური სამხედრო ოპერაციით, ან სხვა ხელმისაწვდომი საშუალებებით“,- თქვა დიმიტრი პესკოვმა.
ავტორი: ექსპრესნიუსი,
epn.ge (@expressnews.ge)
