კასპში საგზაო ინფრასტრუქტურის სამუშაოები გრძელდება

2022-12-09 14:56:50, 1644 ნახვა

რეგიონი

კასპში, ვაჟა-ფშაველას ქუჩაზე გზის საფუძველის მოწყობის შემდეგ, ასფალტის პირველი ფენის დაგების სამუშაოები მიმდინარეობს.

კასპის მერიის ცნობით, ქუჩაზე, რომლის სიგრძე 306 გრძივი მეტრია, მოეწყობა ეზოში შესასვლელებიც.

"ქუჩის მოასფალტების სამუშაოს ელექტრონულ ტენდერში გამარჯვებული შპს „გლობალჰაუსი“ ახორციელებს.

ვაჟა - ფშაველას ქუჩის სამუშაოების ღირებულება 117 984 ლარია და მუნიციპალიტეტის ადგილობრივი ბიუჯეტიდან ფინანსდება.

ქუჩაზე ასფალტის საფარი არასოდეს ყოფილა. ვაჟა - ფშაველას ქუჩის მაცხოვრებლები პროექტის დასრულების შემდეგ კეთილმოწყობილი ქუჩით შეძლებენ გადაადგილებას", - აღნიშნულია მერიის მიერ გავრცელებულ ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),