ვინც ზაპოროჟიეს ატომურ სადგურზე ძლიერი აფეთქებების უკან დგას - ის ცეცხლს ეთამაშება,- ამის შესახებ ატომური ენერგიის საერთაშორისო სააგენტოს (IAEA) გენერალურმა დირექტორმა, რაფაელ მარიანო გროსიმ განაცხადა.

მისი თქმით, შაბათ-კვირას, ელექტროსადგურზე მომხდარმა ძლიერმა აფეთქებებმა დააზიანა შენობები, სისტემები და აღჭურვილობა.

მისივე თქმით, სადგურის დაბომბვა, რომელიც 19 ნოემბერს საღამოს დაიწყო და 20 ნოემბერს დილით გაგრძელდა, ერთ-ერთი ყველაზე ინტენსიური იყო ბოლო თვეებში.ადგილზე რადიაციის დონე ნორმალურია და მსხვერპლის შესახებ ინფორმაცია არ ყოფილა. ასევე არ დაზარალდა ZNPP-ის გარე ელექტრომომარაგება, რომელიც კონფლიქტის დროს რამდენჯერმე დაირღვა.

„კიდევ ერთხელ, ჩვენ გაგვიმართლა, რომ პოტენციურად სერიოზული ბირთვული ინციდენტი არ მომხდარა. შემდეგ ჯერზე შეიძლება ასე არ გაგვიმართლოს. ჩვენ ყველაფერი უნდა გავაკეთოთ, რათა დავრწმუნდეთ, რომ შემდეგი დრო არ იქნება,”- განაცხადა გროსიმ.

გროსის განცხადებით, თავდასხმის შედეგად დაზიანდა რადიოაქტიური ნარჩენების შესანახი შენობა, ერთ-ერთი რეაქტორის ელექტრო კაბელი, ასევე ხიდი მეორე რეაქტორსა და ადმინისტრაციულ შენობებს შორის.

შეგახსენებთ, რომ შაბათ-კვირას ზაპოროჟიეს ატომური ელექტროსადგური რამდენჯერმე დაბომბეს.

რუსები და უკრაინელები თავდასხმაში ერთმანეთს ადანაშაულებენ.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს