ხარკოვის ოლქში, კუპიანსკის რაიონში რუსმა ოკუპანტებმა საცხოვრებელ კორპუსს ცეცხლი გაუხსნეს. ამის შესახებ ინფორმაციას უკრაინის პრეზიდენტის ადმინისტრაცია ავრცელებს. 

მათივე ცნობით, რომ შემთხვევის ადგილზე ამ წუთებში საგანგებო სიტუაციების სახელმწიფო სამსახური მუშაობს და შესაძლოა, ნანგრევების ქვეშ ხალხი იყოს.

"კუპიანსკის რაიონის შევჩენკოვოს ურბანული ტიპის დასახლება - რუსებმა კვლავ ცეცხლი გაუხსნეს საცხოვრებელ კორპუსს. შესაძლოა, ნანგრევების ქვეშ ხალხი იყოს", - ნათქვამია ანგარიშში.

ცნობისთვის, რუსეთის სამხედრო არმია აგრძელებს ხარკოვის რეგიონის დაბომბვას. გასული დღის განმავლობაში კუპიანსკის, ჩუგუევსკის და იზუმსკის რაიონები დამპყრობლების საარტილერიო ცეცხლის ქვეშ იყო .

უკრაინის შეიარაღებული ძალების გენერალური შტაბი იტყობინება, რომ რუსებმა ორი სარაკეტო შეტევა განახორციელეს ქალაქ კუპიანსკის სამოქალაქო ინფრასტრუქტურაზე.

17 ნოემბერს დამპყრობლებმა ხარკოვის რეგიონში კრიტიკულ ინფრასტრუქტურულ ობიექტზე სარაკეტო იერიში მიიტანეს, რის შედეგადაც სამი ადამიანი დაშავდა.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს