საქართველოს პროკურატურაში ქალთა მართლმსაჯულებისადმი ხელმისაწვდომობის თემაზე, მეორე მენტორინგის პროგრამა დაიწყო. შეხვედრა საქართველოს პროკურატურისა და ევროპის საბჭოს პროექტის წარმომადგენლებმა გახსნეს.

პროგრამის დაწყებას წინ უძღოდა ტრენინგი ქალაქ ბუდაპეშტში, სადაც აღმოსავლეთ პარტნიორობის ქვეყნების წარმომადგენლებთან ერთად, საქართველოს პროკურატურიდან ქალთა მიმართ და ოჯახში ძალადობის საქმეებზე მუშაობის გამოცდილების მქონე 5-მა სპეციალიზებულმა პროკურორმა სიღრმისეული გადამზადება გაიარა. გადამზადებული პროკურორები ოჯახში ძალადობისა და ოჯახური დანაშაულის თემაზე, მენტორობას სპეციალიზებულ პროკურორებს გაუწევენ.

მენტორინგის პროგრამა 8 თვის განმავლობაში გაგრძელდება და ოჯახში ძალადობისა და ოჯახური დანაშაულის თემაზე მნიშვნელოვან საკითხებს მოიცავს.

მენტორინგის პროგრამის გახსნა,საქართველოს პროკურატურის საინფორმაციო კამპანიის ნაწილია, რომლის მიზანი ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლება და ფემიციდის პრევენციაა.

პროკურორთა შესაძლებლობების გაძლიერება და გენდერულად სენსიტიურ თემებზე კვალიფიკაციის ამაღლება მომავალშიც აქტიურად გაგრძელდება.
#არაფემიციდს

#მკვლელობაისჯებამკაცრად

#შეაჩერეფემიციდი

#სიყვარულიარკლავს

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა