სასტუმროების საერთაშორისო ქსელმა Marriott-მა გამოაცხადა რუსეთის ბაზრიდან გასვლის შესახებ. ინფორმაციას კომპანიის ვებგვერდი ავრცელებს.

საქმიანობის შეწყვეტის მიზეზად სანქციებს უწოდებენ, რომლებიც ევროკავშირმა, აშშ-მა და დიდმა ბრიტანეთმა რუსეთის წინააღმდეგ უკრაინაში შეჭრის გამო დააწესეს. კომპანიაში აცხადებენ, რომ ქვეყანაში ოპერირების გაგრძელება შეუძლებელი გახდა.

კომპანიის ცნობით, ომის დაწყებიდან მან 1 მილიონი დოლარი გაგზავნა კონფლიქტის ზონაში მყოფი თანამშრომლებისა და მათი ოჯახების მხარდასაჭერად, ასევე 2,7 მილიონი დოლარი 85-ზე მეტი სასტუმროს მიწოდებისთვის, რომლებიც უკრაინიდან ლტოლვილებს საცხოვრებლად უზრუნველჰყოფენ.

მარიოტის ქსელი რუსეთში 25 წელია ფუნქციონირებს. მარტის დასაწყისში კომპანიამ განაცხადა, რომ ხურავს თავის ოფისს მოსკოვში და აჩერებს ინვესტიციებს და ხსნის ახალ სასტუმროებს რუსეთში. იგივე გადაწყვეტილება მიიღეს სასტუმროს ქსელებმა Hilton და Hyatt.

იელის მენეჯმენტის სკოლის მონაცემებით, უკრაინაში ომის დაწყებიდან 1000-მდე უცხოურმა კომპანიამ გამოაცხადა, რომ დატოვებს რუსეთს ან შეზღუდავს საქმიანობას ქვეყანაში.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს