კანადა უკრაინას დასახმარებლად რვა ჯავშანმანქანას გადასცემს. ამის შესახებ ინფორმაციას ქვეყნის თავდაცვის მინისტრი ანიტა ანანდი Twitter-ზე ავრცელებს.

„დღეს ვაცხადებთ, რომ კანადამ გააფორმა კონტრაქტი რვა ჯავშანმანქანაზე, რომელიც წარმოებულია Roshel-ის მიერ და მათ ჩვენს უკრაინელ მეგობრებს რაც შეიძლება სწრაფად მივაწვდით,“ - წერს ანანდი.

თავდაცვის მინისტრი ასევე აღნიშნავს, რომ კანადა გააგრძელებს უკრაინისთვის სამხედრო დახმარების გაწევას, იმის მიუხედავად, რომ გასულ კვირას უკრაინის ძალებს მიაწოდა M777 ჰაუბიცები, ასოცირებული საბრძოლო მასალა და კარლ გუსტაფის იარაღი.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს