რუსეთმა უკრაინაში 1300-ზე მეტი რაკეტა გაუშვა, ამ ტიპის იარაღის მარაგი განახევრებულია,- ამის შესახებ ინფორმაციას უკრაინის თავდაცვის მინისტრის მოადგილე, ანა მალიარი ავრცელებს.

მალიარმა ხაზგასმით აღნიშნა, რომ რუსეთისთვის საბრძოლო რაკეტების წარმოება გართულებულია, რადგან ამ ტიპის შეიარაღებისთვის კუთვნილი კომპონენტები და ნაწილები იმპორტირებული იყო სხვა ქვეყნებიდან. დასავლური სამყაროს მიერ რუსეთისთვის დაწესებულმა სანქციებმა ეს პროცესი შეაფერხა.

„ჩვენი მონაცემებით 24 თებერვლის შემდეგ, მათი მარაგი უკვე განახევრდა.დაახლოებით 1000-ზე მეტი რაკეტა მათ უკვე გამოიყენეს, უფრო ზუსტად, 1300-ზე მეტი რაკეტა. თუ ჩავთვლით, რომ მათი მარაგი განახევრებულია, შეგიძლიათ დაახლოებით გამოთვალოთ რამდენი რაკეტა დარჩა, უკრაინის პოზიცია მკაცრი და ურყევია და არაერთხელ გაჟღერდა: არავინ აპირებს დანებებას და კაპიტულაციას. დღეს ჩვენ ვხედავთ, რომ უკრაინას შეუძლია დასავლური სამყაროს დახმარების იმედი ჰქონდეს, ”- განაცხადა მალიარმა.

თავდაცვის მინისტრის მოადგილემ აღნიშნა, რომ რუსეთი ამჟამად განიხილავს ქიმიური ან ბირთვული იარაღის გამოყენებას უკრაინაში, რაც არის აშკარა შანტაჟი და მთელი მსოფლიოს დაშინების მცდელობა.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს